Tuesday, August 28, 2007

عيد ميلاد فؤاده


انهارده عيد ميلاد فؤاده
اكيد السنة الايام ده بقت تلات اربع شهور بس
مش ممكن تكون عدت سنة كامله
واحد بس افتكر عيد ميلادها وبعتلي هدية كمان
بعتلي الاغنية بتاعت الفيلم ،فيلم شئ من الخوف

الف شكر يا باشا ، تعيش وتفتكر

كتبت حاجات كتير وفي مواضيع مختلفة
مكنتش فاكر ان انا هكتب كل ده

كمان عن طريقها اتعرفت على مجموعة شقى عمري وعملنا حمله ضد تراست وبيتشو امريكان

ارخم حاجه حصلت هيه القلق اللي فؤاده عملته في البيت عندنا
وده خلاني ماكتبش حاجات كتير كنت عايز اكتب عنها
بس انا راضي عن فؤاده

ربنا يخليها ليه

شكرا لكل الناس اللي زارتني وعلقت عندي

وشكر خاص ل
زينب شهيدة
محمد مصر هيه امي
Important person in my life
الشخص اللي بيحبني

12 comments:

مصر هى أمى said...

نائل

كل سنة وفؤادة بخير

معلش طبعا انا اسف انى محضرتش عيد ميلادها بس انت معايا فى الشركة وعارف كويس انا مفحوت فى الشغل اد ايه

بس عموما لو هتعزمنى على الغدا ممكن افضى نفسى من الشغل

عقبال ما نباركلك على الجواز من البنت اللى فى بالى وطبعا انت عارف هيا مين

Unknown said...

كل سنه و فؤادة طيبة ... وانت أب مدون وناجح ... ويارب تفضل روح الحق والإصرار عندك وعند فؤادتنا للأبد

فؤاده said...

لا يا عم مفيش اعزار
ازاي ما تفتكرس وانت من اكتير الناس اللي كانو بيسالو عنها
وبعدين انا مش هخطب غير لما تخطب انت الاول يا عم

فؤاده said...

ياسمين

وانتي طيبة ربنا يخليكي

بس بلاش الكلام الكبير ده عشان بتغر قوي :-)

شهيدة said...

كل سنة وفؤادة بخير يا أبو فؤادة
ويارب تعيش وتشوفها بتكبر أكتر وأكتر وتبقى عروسة ونفرح بيها هههه

بجد معاك حق السنة فعلا بقت تلات أربع شهور بس
والوقت بيمر بسرعة عجيبة

مدونتك كان ليها تأثير كبير بين أصدقاءك ودليلي على كدة اني عملت مدونتي بعد ما شفت فؤادة

شكرا ليك على شكرا ليا
ده أقل واجب يا أخ نائل اننا نشاركك في آراءنا المتواضعة

بالتوفيق ان شاء الله والى مزيد من التميز سنة ورا سنة

وخلي بالك من نفسك الايام دي
في موسم صيد حافل عندكم
وانت أكيد فاهم قصدي ههه

سلام

فؤاده said...

زينب

وانتي طيبة يا زينب
اكيد كان لازم تكوني انتي اول اسم
مفيش موضوع كتبته معلقتيش عليه
وكنتي دايما بتسالي على فؤاده
واكيد حاجه تسعدني ان فؤاده كان ليها تاثير كويس عليكي

ومتخافيش صحيح موسم الصيد مستمر
بس انا كويس الحمد لله

على فكره شهيده عيد ميلادها قرب برضه
متنسيش

Anonymous said...

انا كنت بصيف احرجتنى بتعليقك لانك ابن ناس ومتربيى تربية عالية اتمنى لك التوفيق الشخص اللي بيحبك كتييييييير

Anonymous said...

كل سنة و انت طيب و كل سنة و فؤادة بخير و تفضل فؤادة عايشة بين قلوبنا كلنا

فؤاده said...

الشخص اللي بيحبني

ده اقل واجب للشخص اللي بيحبني وعلى طول بيعلق عندي

فؤاده said...

حفصة

وانتي طيبة وربنا يخلي لفؤاده كل الناس الجميله اللي زيك

Anonymous said...

الزمالك مش اد كدة رمضان كريم الشخص اللى بيحبك

فؤاده said...

الشخص اللي بيحبني

الله اكرم
الزمالك في احسن حالاته
انتو بس اللي مش واخدين بالكم