انا ليه كنت (عبد )؟؟
دايما بيحيرني الشعب المصري ، دايما بسأل نفسي السؤال ده ، الشعب ده ليه طالع كده ، الموضوع ده بالنسبة ليه لغز كبير ، ازاي الناس طلعت كده ؟ ازاي قدرت تحافظ على العبودية طول الفترة ده ، زي مبيقول عليها جمال حمدان ، اسوأ استمرارية على مر التاريخ ،
انا هحكيلكو حكاية صغيرة ،ممكن فيه ناس تقول ان انا مكبر الموضوع ، او ده مش زي ده ، بس انا شايف ان الحكاية ليها علاقة مباشرة بموضوع الاستعباد ده ، وانتو احكمو
انا اشتغلت فترة في الكويت ، في شركة طلبت ناس عشان يشتغلو في مشروع هناك ،( من الاول كده لازم اقول ان الادارة بالكامل كانت مصرية ، عشان مظلمش الكوايتة )المهم ، كنا عشرشباب زي الورد ، من اعمار مختلفة ، اسر مختلفة ، ظروف اجتماعية مختلفة ، مستويات تعليم مختلفة ، محافظات مختلفة ، ظروف مادية مختلفة ،تفكير مختلف ، طموحات مختلفة، طبائع مختلفة ، في اللي متجوز والخاطب والعازب ، يعني باختصار عينة عشوائية ممتازة، تقريبا ممثلة لكل مصر ، وللأسف الشديد ، والغرابة في نفس الوقت ، العشرة (وانا منهم طبعا) اتنازلو ، واشتغلو في ظروف زبالة ، ومرتب قليل ، ومعاملة مش كويسة ، وسكتو ، واتقهرو ، وشالو الطين ، واشتغلو حاجات ملهاش أي علاقة بالوظيفة اللي رايحين عليها ، و اتظلمو، ومحدش فتح بقو ، ولا حد اعترض لا قال انتو بتعملو ايه ، ...الخ .
السؤال بقه ، لييييييييييييييييييييييييييه ؟؟ ليه احنا عملنا كده ، صحيح الحجج جاهزة : البلد وقعت يا شباب ، هنروح مصر نقعد على القهاوي ، ده فترة وهتعدي (على فكره ، لغاية دلوقتي الفترة لسه معدتش ) ، احسن من مافيش ، لازم نستحمل ، يعني نرجع مصر والناس تقول ان احنا فشلنا ، الى اخره من الحجج ده .
بس مهما كانت الحجج ، ومهما كانت الظروف ، مش ممكن يكون ده رد فعل العشرة ،يكون بالطريقة ده ، بالذل ده ، بالعبودية ده ، كنا فعلا عاملين زي العبيد والله مش تعبير مجازي ، احنا كنا عاملين زي العبيد بجد ،حتى المكان اللي كنا بنشتغل فيه كان عامل زي السجن يمكن احقر من السجن كمان .
انا ليه كنت عبد ؟؟ انا فاكر ظروف مش عارف استحملتها ليه ،ورضيت عنها ازاي ، صحيح انا دلوقتي اتغيرت وبقيت (حر ) بس المشكلة ليه انا كنت كده ، هو( الديفولت) بتاع الشعب المصري هو العبودية ولازم نعمل تغيير في السيتنج عشان يكون حر ،
طبعا انا مستعد اشتغل واتعب مفيش مشكلة ، بس يكون في مقابل ، وتكون المعاملة كويسة .
طبعا اكيد في ناس هتقول يا عم متكبرش الموضوع ، عبودية ايه اللي بتتكلم عليها ده بس ، انت هتعمل فيها احمد عرابي
بس والله ده عبودية انا بس عايزكو تتخيلو اللي يعمل كده مع شركة لا راحت ولا جت ، هيعمل ايه مع الحكومة وامن الدولة .طبعا عارفين الاجابة من غير تخيلات .
المشكلة كمان ان المجموعه ده من اوساط مادية كويسة ، وكمان متعلمين تعليم عالي ، امال لو من الناس اللي مش لاقية تاكل فعلا ، او من اللي مش متعلمين اصلا ، كانو عملو ايه ؟؟
يا ترى ايه السبب ،ممكن تكون الجغرافيا زي بيقول جمال حمدان ؟ ممكن يكون في حاجه في الميه ؟ ممكن يكون في حاجه في الهوا ، ممكن يكون في حاجه في الجينات ؟ مش عارف .
دايما بيحيرني الشعب المصري ، دايما بسأل نفسي السؤال ده ، الشعب ده ليه طالع كده ، الموضوع ده بالنسبة ليه لغز كبير ، ازاي الناس طلعت كده ؟ ازاي قدرت تحافظ على العبودية طول الفترة ده ، زي مبيقول عليها جمال حمدان ، اسوأ استمرارية على مر التاريخ ،
انا هحكيلكو حكاية صغيرة ،ممكن فيه ناس تقول ان انا مكبر الموضوع ، او ده مش زي ده ، بس انا شايف ان الحكاية ليها علاقة مباشرة بموضوع الاستعباد ده ، وانتو احكمو
انا اشتغلت فترة في الكويت ، في شركة طلبت ناس عشان يشتغلو في مشروع هناك ،( من الاول كده لازم اقول ان الادارة بالكامل كانت مصرية ، عشان مظلمش الكوايتة )المهم ، كنا عشرشباب زي الورد ، من اعمار مختلفة ، اسر مختلفة ، ظروف اجتماعية مختلفة ، مستويات تعليم مختلفة ، محافظات مختلفة ، ظروف مادية مختلفة ،تفكير مختلف ، طموحات مختلفة، طبائع مختلفة ، في اللي متجوز والخاطب والعازب ، يعني باختصار عينة عشوائية ممتازة، تقريبا ممثلة لكل مصر ، وللأسف الشديد ، والغرابة في نفس الوقت ، العشرة (وانا منهم طبعا) اتنازلو ، واشتغلو في ظروف زبالة ، ومرتب قليل ، ومعاملة مش كويسة ، وسكتو ، واتقهرو ، وشالو الطين ، واشتغلو حاجات ملهاش أي علاقة بالوظيفة اللي رايحين عليها ، و اتظلمو، ومحدش فتح بقو ، ولا حد اعترض لا قال انتو بتعملو ايه ، ...الخ .
السؤال بقه ، لييييييييييييييييييييييييييه ؟؟ ليه احنا عملنا كده ، صحيح الحجج جاهزة : البلد وقعت يا شباب ، هنروح مصر نقعد على القهاوي ، ده فترة وهتعدي (على فكره ، لغاية دلوقتي الفترة لسه معدتش ) ، احسن من مافيش ، لازم نستحمل ، يعني نرجع مصر والناس تقول ان احنا فشلنا ، الى اخره من الحجج ده .
بس مهما كانت الحجج ، ومهما كانت الظروف ، مش ممكن يكون ده رد فعل العشرة ،يكون بالطريقة ده ، بالذل ده ، بالعبودية ده ، كنا فعلا عاملين زي العبيد والله مش تعبير مجازي ، احنا كنا عاملين زي العبيد بجد ،حتى المكان اللي كنا بنشتغل فيه كان عامل زي السجن يمكن احقر من السجن كمان .
انا ليه كنت عبد ؟؟ انا فاكر ظروف مش عارف استحملتها ليه ،ورضيت عنها ازاي ، صحيح انا دلوقتي اتغيرت وبقيت (حر ) بس المشكلة ليه انا كنت كده ، هو( الديفولت) بتاع الشعب المصري هو العبودية ولازم نعمل تغيير في السيتنج عشان يكون حر ،
طبعا انا مستعد اشتغل واتعب مفيش مشكلة ، بس يكون في مقابل ، وتكون المعاملة كويسة .
طبعا اكيد في ناس هتقول يا عم متكبرش الموضوع ، عبودية ايه اللي بتتكلم عليها ده بس ، انت هتعمل فيها احمد عرابي
بس والله ده عبودية انا بس عايزكو تتخيلو اللي يعمل كده مع شركة لا راحت ولا جت ، هيعمل ايه مع الحكومة وامن الدولة .طبعا عارفين الاجابة من غير تخيلات .
المشكلة كمان ان المجموعه ده من اوساط مادية كويسة ، وكمان متعلمين تعليم عالي ، امال لو من الناس اللي مش لاقية تاكل فعلا ، او من اللي مش متعلمين اصلا ، كانو عملو ايه ؟؟
يا ترى ايه السبب ،ممكن تكون الجغرافيا زي بيقول جمال حمدان ؟ ممكن يكون في حاجه في الميه ؟ ممكن يكون في حاجه في الهوا ، ممكن يكون في حاجه في الجينات ؟ مش عارف .
6 comments:
العبودية هي مصطلح اجتماعي لملكية حفنه من الأشخاص بيقومو بالاعمال و الخدمات لسيدهم من غير اي حق للعبد في الرفض او المطالبة بتعويض. ماشي كلام جميل بس بردو ليه احنا عبيد ؟ أولا عبوديتنا – وليست وطنيتنا- جت من حاجتنا و تلبية لرغبتنا. فكل واحد عاوز يعيش ويكسب لقمه عيشه، وطبعاً علشان تاخد لقمه العيش من صاحبها مافيش مشكله لو شويه مسكنه على حبه تزلل لدرجة ساعات توصل للبهدله و المرمطة و قله القيمة. وعلشان احنا شعب كبير – من ناحية العدد وليس الكرامة – فبنتسابق علشان ناخد لقمه العيش دي و طبعاً اللي يكون عبد مطيع سيده بطبطب عليه و يرميله اللقمه و من هنا بدأت العبودية تاخد شكلها الحقيقي من محلسه و الواحد مننا يقعد يتمسح في سيده علشان يضمن اللقمه. السؤال هنا بقه ازاي وصلنا لكده. الغريبة اننا موصلناش لاننا كدة طول عمرنا و التاريخ يثبت من ايام زمان لما فرعون كان مستضعف الناس و بعدين الملوك اللي أستعبدو الناس و في الأخر الزمن اللي احنا عايشينه دلوقت. احنا موصلناش للعبودية لكن هي اللي وصلت لينا. من أجددنا لأهالينا ،و منهم لينا و الخوف بقه على ولادنا. العبودية وصلت لنا لما أهلي و أهلك خافو علي لقمه العيش و وصلولنا مفهوم خليك في حالك و متزعلش حد منك. وصلت لنا لما اهلى و اهلك خافو علينا وعلمونا ان مش احنا اللي هنصلح الكون. وصلت لنا لما كترنا و بقه تمنا رخيص. وصلت لنا لما أضرب المربوط فخاف السايب ليحصله اللي حصل لغيره. وصلت لنا لما علمونا اننا لازم نستحمل و نرضي بالقليل مدام يعيش. وصلت لنا علشان اتعلمنها كدة ، مدام عايشين يبقه خلاص الحمد لله. العملية لا تاريخ و لا جغرافيا و لا مايه و لا كيمياء. العملية في نفس رضيت بالهوان و كأن لقمه العيش لازم تتاخد كدة و إلا هنومت من الجوع. العملية بقت خوف من شبح محدش شافه لكن نسمع عنه و هو الموت من الجوع. مهو لما نشوف المجاعات و نسمع ان في ناس بتموت من الفقر بنخاف و نقوم مرخصين نفسنا للي يسوا واللي ميسواش. وعلشان كدة ولا بقالنا قيمة جوه بلدنا و لا براها. وجنب دة كله يا ريت حالنا راضين بيه و ساكتين لا دة احنا كمان مش فالحين كمان غير في التريقه و الهمز و اللمز و الغمز على بعض و لما حد بيقع نشمت فيه بدل ما نساعده. ودة سبب تاني خلانا نخاف لنقع و خلاني و خلاك و خلى غيرنا يرضي يكون مرمطون ولا ان حد يفرح فيه و يضحك عليه و يقول ده فشل.
قال رسول الله صلي الله علية وسلم
يأتي زمان علي أمتي يحبون خمس وينسون خمس
يحبون الدنيا وينسون الآخرة يحبون المال وينسون الحساب يحبون المخلوق وينسون الخالق يحبون القصور وينسون القبور يحبون المعصية وينسون التوبة
فإن كان الأمر كذلك ابتلاهم الله بالغلاء والوباء والموت الفجأة وجور الحكام
بسم الله الرحمن الرحيم
اولا ازيك يا نائل يا صديقي العزيز جدا
ثانيا بالنسبة للقراء اللي مايعرفوناش حايسالو عن معني اسمي الغريب ده بس هو تفسيره ساهل خالص انا يا جماعة تاني احسن واحد في المجموعة ونائل هو كان بكل جدارة واستحقاق احسن واحد في المجموعة .
طب ايه هي المجموعة اصلا بقي ؟
المجموعة اللي حكالكو عليها نائل اللي جمعتها الظروف في الكويت في الفترة دي وبجد بجد يا جماعة قضينا ايام اد ما هي قاسية اوي اد ماهي لذيذة وجميلة جدا وكفاية خبرة الحياة اللي خدناها فيها
يا رب المدونة دي تفيدكو وتفيد كل اللي حايقراها واللي عايز يسال عن اي حاجة بخصوص السفر والشغل في الكويت يبعت لنائل واحنا كلنا حانرد عليه ونفيده .
انا في الاخر بس باحب اسجل اخلاصي وولائي لقائدنا وريسنا واحسن واحد في مجموعتنا وباقوله :
احنا معاك يا نائل فين ما تكون
حتي لو اخر مكــــــان في الكون
first I greet you for this promising blog and the easy stream of thoughts you are using to write and I apologize for writing in English because my pc cant write Arabic language.
2nd I guess the symptoms of slavery is inside our characteristics or our genes as Egyptians not because of our fear of hunger or losing a job or whatever any reason can be...I have seen with my own eyes in Indonesia which has population more than Egypt and has more poverty,people stand up and face the bullets of the soldiers and sleep in the streets for one week and they didnt go home till they ousted Soeharto who was more tyrant than Mubarak.I have seen Indonesians die of hunger really not just talk,and refuse to lean down in front of bad work circumstances or bad bosses at work.
the Egyptian personality has inside it a gene of kneeling down and being unable to stand up even if its a small breeze not a storm which they face...We are people who are used to be slaves and who dont like each other but only like the one who kick our asses. Look at Mubarak if u dont believe me... he has a gene of slavery too and afraid to lose his job and find himself in the street even he has too much money than anyone of his family had been able to accumulate for centuries. We are a nation of slaves who like to be slaves and nothing can be done about it.
اولا شكرا علىكلامك وتعليقك
ثانيا انا متفق معاك تماما ، عمر ماكان العامل الاقتصادي(ولا اي عامل في الدنيا ) مبرر للعبودية ، احنا هنا عايزين نعرف ليه ، ايه السبب اللي خلانا كده ، هو ده السؤال اللي لازم نجاوب عليه
السلام عليكم
في حديث مهم جدا يا نائل وهو حل لكل واحد بيفكر بالسؤال ده
"لا تكن عبد غيرك وقد خلقك الله حرا" الحديث ده للإمام علي بن أبي طالب0ع) المهم انت عملت الصح وسؤالك ده لازم كل واحد يسالو لنفسو ويفكر كتير عشان يقرر حيعمل ايه في حياتو
Post a Comment