نفس اللي حصل في (اللي عملت حسابه ) بس بصورة وضغط وزعل اكبر ، الخبر وصلهم من اكتر من مصدر
وللمرة التانية لقيت نفسي مش عارف اعمل ايه
اخويا الصغير قالي انت عارف كل مشكلتك ايه : مشكلتك انك نفسك تكون مشهور
يا خوفي يكون عنده حق
المهم لما قالولي لازم تلغيها من على النت خالص رديت عليهم رد زي ساعات كتير مش عارف جبته منين
قلتلهم فؤاده ده بنتي ، مقدرش ألغيها
فعلا أنا بحب المدونة ده ، بحب فؤاده ، فعلا مديه لحياتي طعم ، ومقدرش أعيش من غيرها
حتى لو مش احلي البنات
ومش مهمة عند أي حد
ومزعله الناس مني
وممكن في يوم من الايام اتأذي بسببها
بس فؤاده ده بنتي
56 comments:
kalamk gamil ya 3am nael we rabna ye khalelk bentk we bgad haga helwa awy en el wahd etmask be haga be hebaha 3lashan de ahsn haga fe el donia kolaha we rabna yofak
ما تلغيهاش طبعا
طنش,عاند,لا تتنرفز ولا تزعق ولا الهوا.
طنش وخلاص وهما في الأخر حيزهقوا منك,طناش
التدوين مالهوش علاقه بالشهرة يا زميل
التدوين دي شايله عننا امراض نفسيه بالتيله ,احنا بنحكي بنطلع اللي جوانا بنطلع شوية كبت كبير اوي ,لولا كدا مش عارف كان ممكن نبقىازاي,وبعدين لو جت شهرة مافيش مانع يعني ,مش حنمشي نتغر ولا نتكبر على خلق الله,سيبها على ربك حيعدلها
مساك فل
بص يا ابو فؤادة .. هى العملية بتبدأ كده تتنازل عن حاجة وبعدها تجر حاجة ورا حاجة ... فبلاش تبدأ تنازلات وخليك حاضن بنتك بس من غير مشاكل وقلق عشان زى ما فؤادة بنتك .. انت برضه ابنه
بنت من ورق اسمع كلام اللى اكبر منك الشخص اللى بيحبك
Dear Nael
I don't know what to tell u but u must put into your consideration that your parents loves u and worried about u that's y the react roughly
It's so wonderful to have this feeling toward something u believe in u must be more courageous and fight for your baby as i know how much love "Baby Girls"
Go on but be carefule
your close friend..............
بص يا نائل
انا هاوجه الكلمة ديه لوالدك
اولا يا عمى المدونات عموما مش مؤذية المدونة ديه عاملة زى زمان ما انتى كنت بتكتب مذكراتك دلوقتى الواحد بيكتب اللى حاسس بيه بيفرغ شحنة الكبت اللى هوا حاسس بيها ممكن يكتب سياسة ممكن يكتب عن مشاكل شخصية يكتب عن موضوع عام يخص الناس كلها يكتب عن اراء فى مشاكل فى الحياة يلاقى اصدقاء الميزة فيها ان محدش يعرف التانى فا
الواحد يقدر يكتب زى ما هوا عايز
انا عن نفسى قبل ما عملت المدونة ديه كان عندى وقت فراغ رهيب كتير مكنتش بعرف استغلة او باستغلة غلط دلوقتى انا بقعد على المدونة بالساعت صدقنى استفدت بيها جامد عملت للواحد شخصية نوعا ما فهمتنى حاجات كتيرة اتعرفت على مشاكل وطرق حلولها من مدونات متخصصة فى الكتابة عن الحياة واراء الناس فى مشاكل الحياة الوقت اللى بضيعة فى التدوين بيزيح عن نفسى كبت جامد بفرغ كل اللى جوايا بكلم وبحكى انتوا على طول بتقولوا ان احنا جيل فارغ طب اما اعمل حاجة اكون بيها شخصية لنفسى تقوموا ترفضوها ايه العيب انى اكتب رايي فى السياسة ما انتوا كان ليكم راى فى السياسة اما كنتوا شباب ليه تحرموا علينا اللى حللتوه لنفسكم
سيبونا نكون شخصياتنا بنفسنا علشان نعرف نواجه الحياة
السيد الفاضل والد نائل
انا زميل نائل فى الشغل وعندى مدونة زيه بس عملتها بعد مدونة نائل بفترة وبحب مدونتى جدا حاسس انها حياتى مقدرش اقعد يوم من غير لما اشوفها واكتب فيها بحس ان روحى بتتردلى اما اكتب اللى انا عايزه
الشركة كلها بتحترم نائل جدا وشايفة انه اكتر الناس اللى عندها شخصية وعنده راى كويس افتكر من كتر قرايته للمدونات لانها صدقنى بتكون شخصية كويسة هتنفعة فى حياته
زى ما نائل قال ان فؤاده هيا بنته
انا كمان مدونتى مصر هى امى هيا كل حياتى بخاف عليها جدا بحبها جدا طلعت جوايا حاجات كتير مكنتش عارف انها جوايا اصلا
الكلمة ديه ليك يا نائل
انا مش بحرضك على انك تعصى اهلك لكن مدونتك بالنسبة ليا حاجة كبيرة لازم كل يوم اشوفها اسلوبك حلو وطريقتك فى الكلام جميلة بحس انها بتعبر عن انسان مصرى بيحب البلد ديه
قول لوالدك انا بحب مدونتى جدا والمدونة احسن ميت مرة من الصياعة ولا القعدة على القهوة ولا حتى الفرجة على اى مواقع سيئة على النت
انا بحب مدونتى جداااااااا
ياريت اصدقاء والد نائل اللى بيبلغوه الاخبار انهم ينقلوله الكومنت ده وبقولهم ارحموا نائل
واسف للتطويل بس هوا الموضوع استفزنى بصراحة
مش عارفه اقولك ايه يا نائل بس حقيقى انا حسه جدا انك لو لغيت المدونه دى هتفتقد حاجات كتيرة حلوة لانى من و قت ما قبلتك و انا حسه فعلا ان فى حاجه حلوة جدا فى حياتك غير زمان على الرغم انى مكنتش اعرف كويس اوى بس انت مختلف ..... بجد يا ريت تقنع بباك و مامتك و اكيد انت عندك القدرة على كده ربنا معاك ....
ميوده
سلام للجميع ولأبو فؤادة خصوصا
أولا طبعا أنا بضم صوتي لصوت عادل "أبو مصر هي أمي" وهو قال حاجات كتيرة كنت عايزة أقولها
يا نائل انت دائما بتنتقد الشعب المصري الساكت واللي مش عارف يعمل حاجة عشان يغير واقعه. واللي بيحصلك ده أهم اختبار ليك كمصري، انا ما بدي حرضك، بس انا ضد انك توقف وتلغي مدونتك. اكيد في انتقادان أو تهديدات في بعض الاحيان، بس هو ده الشرط عشان تقوم بواجبك اللي بتحاول تحث التانيين عليه
وأقول للشخص اللي بيحب نائل، زي ما بقلك دايكا لو بتحبو بصحيح سيبو يحقق اللي في دماغو
المدونات هي مجرد متنفس صغير للشباب العربي العاجز عن قول ما يريده بصوت مرتفع
على أمل أن يأتي اليوم الذي نطلق فيه صرخاتنا المدوية حتى نتحرر
"أم شهيدة"
ان شاء الله باباك هيوافق عليها في الأخر
حاول تقنعه وربنا معاك, هو بيعمل كده عشان خايف عليك, وده حقهم لأنهم أهلنا, لكن برضو من حقنا نقول رأينا, ان شاء الهه هتتحل, بس اوعي تلغيها
anonymous
شكرا على كلامك وتشجيعك
عندك حق احسن حاجه في الدنيا الواحد يكون عنده حاجه متمسك بيها
بجد انا مش ببالغ المدونة مهمة عندي جدا
كراكيب
هو طول ما انتو معايا كده عمري هلغيها
مالك
حاولت اقنعهم بكده ما فيش فايدة
وبعدين هم لازم يعرفو ان انا اصلا مشهور ، ومش محتاج شهرة تاني
هلوسة مصرية
متخافيش بنتي في حضني وهتفضل في حضني
ووالله انا مقدر جدا انهم خايفين عليا عشان كده مش عايز ازعلهم
الشخص اللي بيحبني
لو سمحت متتكلمش على بنتي بالطريقة ده
صديقتي المقربة جدا
حاضر مش هزعلهم وهاخد بالي
وطبعا اكيد انا بحب البنات ،
ونفسي يكون عندي بنات
تعرفي لو المدونة ولد كنت رميتها في الشارع من اول خناقة
مصر هيه امي
شكرا يا باشا على الكلام الجامد ده
بصراحة معنديش حاجه تاني اضيفها
ميودة
كويس ادي حد لاحظ تأثير فؤاده عليه وعلى حياتي
قوليلهم عشان يعرفو قد ايه فؤاده مهمة بالنسبة ليه
على فكره انتي قلتيلي الكلام ده قبل كده وقبل المشاكل،قولتيلي بالحرف ان المدونة ماليه عليا حياتي
وانا كنت حاطط كلامك في بالي وانا بكتب الموضوع
ام شهيدة
شكرا جدا على مساندتك المستمرة
مش عارف من غيرك كنت هعمل ايه
واكيد انتي عارفة ان انا مش هتخلى عن بنتي ابدا
اسراء
انا بحاول معاهم بس هم صعب يوافقو
وانا مقدر موقفهم جدا ،
ومتخافيش مش علغيها
Anonymous
يعني انتي شايفاني بحب فؤاده ازاي وعمال اقول ده بنتي
مكانش عندك حاجه تانية غير حكم الاعدام بتاعك ده
ايه القسوة ده
وبعدين عشان تكوني عارفة اي حد بيبلغ البيت عندي الحاجه الوحيدة اللي بيعملها انه بيزود المشاكل مش اكتر
اللى جابلك يخلى لك
تعيش كده وتشوفها عروسه
نائل
انا قول مرة بعلق على موضوع عنك
لكن اللى عاوزة اقوله هو ليه ما تحولش توصل لحل وسط مع والدك بخصوص المدونة دى ز
يعنى مثلا حاول تقنع اخواتك انهم يعملوا مدونات هما كمان
شاركهم فى حياتهم شويا انا من خلال اللى انكتب عنك حسيت انك انطوائى شويه و دى حاجة بينى و بنك تخوف اى اب او ام
يعنى اتبع معهم سياسة النفس الطويل انا طبعا مش بوحيك ضد باباك لكن حط نفسك مطرحة و شوف انت ساعتها هتتصرف ازاى و ساعتها هتلاقى الحل الوسط اللى يرضى جميع الأطراف
محمد جعفر
شكرا يا باشا ،واعتبر نفسك معزوم على الفرح
وبالمرة عندك عريس ، بس يليق بالبت ـ، انا مربيها على الغالي
نهى
اهلا بيكي وبتعليقاتك
عايز اقولك ان كل العيلة ضدي في الموضوع ده ، اخواتي وخيلاني واعمامي ، كلهم
اما بالنسبة للحل الوسط ، احنا الحل الوسط اللي وصلناله ان انا مش هلغيها بس مش هكتب في السياسة تاني
وطبعا انا مش موافق بس هو ده اللي وصلتله لغاية دلوقتي
وعلى فكرة انا مش انطوائي ولا حاجه ، وعلاقتي باهلي وخصوصا امي ممتازة
ما عدا موضوع السياسة ده ، هو اللي بيعمل توتر
لما تبقى بنت حقيقية ح اعاملها كويس واشيلها و انقطها كمان واتمنى هذا اليوم بسرعة حتى تجد شى ىشغللك غير هذا الموضوع المزعج الشخص اللى بيحبك
matsebhaash w erga3 ekteb aktr shewaya
w naffad ya3ni:D
kelmet 7ader betraya7
yqoloolak e2felha 7ader ha2fel
howa l klam bfloos:D
bs matza3a2sh we tet5ane2 w te7ra2 fe a3sabak w a3sabhom w kabbar demaghak
سلام يا نائل
انت فين يا راجل
ايه الغيبة الطويلة دي؟
مش حرام عليك ما تزورش بنتي شهيدة؟ أو تحط تعليقك المهم جدا عليها؟
انا حقول لبنتي ما تلعبش مع بنتك فؤادة تاني
وانا أوافق سبلز على نصيحتها
هو الكلام بفلوس؟؟
ربنا يقويك ويبعد عنك أعداء المدونات
ههه
ملحوظة: أنا رايحة الجنوب في مهمة خاصة ههه ويمكن تعجبني القعدة وأطول هناك
امتحاناتي قربت يا نائل
ادعيلي ماشي
وياريت كل اللي بيقرا مدونتك يدعيلي معاك
وياريت لو تقول للحارة والقاهرة يعني ولو ما فيش تقلة مصر كلها تدعيلي
أهو 80 مليون واحد بيدعولي، اكيد حيحدثو فرق
سلام
الشخص اللي بيحبني
طيب ما تجيب نقطة فؤاده الاول عشان محتاج فلوس اليومين دول
رغده
ما انا عملت كل الكلام ده في الخناقة الاولى وخلاص ما بقوش يصدقوني
والبركة في اللي قاعدين يوصلو الاخبار اول باول
ام شهيدة
انا اسف والله عارف ان مقصر مع شهيدة بس والله اليومين دول برجع من الشغل بروح كورس الفرنساوي وبرجع متأخر بس برضه انا مقصر
وانا هفضل دايما القارئ الاول، وصاحب اول تعليق على طول (قصدي اول واحد يلعب مع شهيدة )
ان شاء الله ربنا يوفقك في الامتحانات وكل الناس هتدعيلك بس لازم تزاكري كويس زي ما وعدتيني
ومتبقيش تغيبي علينا كتير ، والف سلام للجنوب واهل الجنوب
هو انت محتاج نقطة انا عارف انك من عيلة مبسوطة وياريت تاخد بنصيحتى وتبطل شقاوة مع انك المفروض تسمع كلامى بدون مناقشة الشخص اللى بيحبك
خوف اهالينا وجبنهم هوه اللى وصلنا للى
احنا فيه دلوقتى
امشى جنب الحيط
ان فاتك الميرى اتمرمغ فى ترابه
احنا مش قد الناس دول
حرام
علمتونا السلبيه والركنه فى البيت زى والنسوان
وعشان ايه
عشان عيشه ذل فى ذل
ان الناس من خوف الذل فى ذل ومن خوف الفقر فى فقر
يعنى ايه لما الواحد يبقى عنده شوية عزة نفس
ولا كرامة
ولا يقول لأ بصوت عالى
ونقولها بدايه من البيت
بدايه من التربية السلبيه الذليله اللى اتعلمناها
قول لأ لحاجه انت مش مؤمن بيها وعارف انها غلط
قول لأ لما تشوف الغلط
واتمسك باللى بتؤمن بيه لما يكون صح
هنا هيبقى بداية الاصلاح
لما الاب والام يعرفوا ان الموت اهون الف
مره على النفس من الذل
واظن انت مجرب فى الكويت
وربنا العالم باللى فى الامارات
والذل الاكبر للى عايش فى بلده وحاسس انه غريب
ياه يا ابو فؤادة تقفل اية بس
بص يا نائل الحاج لية حق يخاف عليك ...بس طمنة ومتتنازلش وكدة كل شئ بالخناق الا المدونات بالاتفاق ..هايتناك قريبا متسيبناش
الشخص اللي بيحبني
بمناسبة سماع الكلام ، انت عمرك ما حاولت تتكلم معايا ، كل اللي حضرتك بتعمله انك بتقولهم في البيت ،
الزيبق
ايه يا واد الحلاوة ده ،
عندك حق ، التربية ليها دور مهم في الموضوع ، بس برضه ، المفروض الواحد لما يكبر شوية يتغير مش يفضل زي ما هو
وبعدين لما انت عايش في الذل بره يلا ، ايه اللي مقعدك ، ما تيجي ،
ملحوظة ، بلاش موضوع (زي النسوان)ده عشان انا من انصار المرأه ومش بحب الكلمة ده
غزالي
ما نا جربت والله ، بس يظهر الموضوع ده مش هيبقى فيه اتفاق ابدا
أول مره آجي هنا :))
كويس انك أخدت قرار انك متتنازلش عن بنتك .. مفيش حد بيرمي بنته في الشارع
وبالنسبه لأهلك كل الأهالي كده تقولهم سياسه تلاقيهم وشهم اتقلب .. استمر يبني وميهمكش ..
عجبني أوي تعليقك على كلمة زي النسوان اللي الزيبق قالها :))
المهم استمر وهبقى أجي أزورك تاني
تحياتي
اتمسك
انت حر و لازم تتمسك بحريتك
هاى نائل انا اسفه جدا للمشاكل اللى عندك فى البيت بس انت عارف ان كل المشاكل بسبب خوفهم عليك وجميل اوى احساسك ان فؤادة دى بنتك وانا بقولك اوعى تتخلى عنها بس بردوا اوعى هى تعملك مشاكل وكمان شوف انت بتحبها وبتخاف عليها ازاى ومش عايز تتخلى عنها وهى عندها كام شهر امال مامتك اللىانت ابنها من 28 سنه تعمل ايه وكمان واضح من كتباتك السابقة انك ابنها المدلل وعشان كدة انت لازم تقدر خوفها عليك وتحاول تحسسها وتأكدلها انك فى امان
بوسى
sherehan
معاكي حق والله ، كلمة سياسة عندهم زي مايكون وباء
هم اكيد خايفين علينا بس مش للدرجة
ده
اديني بقاوم ومش هسلم
واتمنى تنوري دايما عندي
sherehan
اما موضوع ردي على كلمة زي النسوان ده
فده اقل واجب من واحد من كبار انصار المرأة زيي
bastokka
متمسك بحريتي لاخر لحظة
والبركة في الناس اللي بيساندوني زيك كده
الف شكرا
صديقتي بوسي
انتي فين من زمان ، انا قلت مش هشوفك تاني
تعرفي كلمتك عن اني فؤاده بنتي من كام شهر بس انا ابنهم من 28 سنة عجبتني اوي واثرت فيه
وانا والله مقدر ده جدا ، انا اصعب حاجه هندي ان انا ازعلهم خصوصاامي عشان زي ما انتي قلتي بالزبط انا ابنها المدلل وهيه اغلى حاجه عندي
لا يا نائل انا مقدرش مدخلش على فؤادة بس انا الفترة اللى فاتت كنت مشغوله شويه وكمان كان النت عطلان فى فترة
على فكرة انا مبسوطة اوى انك لسه فاكرنى اصل انا كنت خايفة تكون نستنى اصل دى اصعب موقف ممكن اكون بكرهو فى حياتى انى اتكلم مع حد ويكون هو مش فاكرنى شكرا مرة تانية
وخلى بالك من بنتك فؤادة واوعى تتخلى عنها واوعى تزعل مامتك
انا عارفة انها معادلة صعبة
ربنا يقويك
بوسى
بوسي
لا طبعا انساكي ازاي بالعكس انا دايما كنت بستنى تعليقك
ويا رب يكون اللي كان شاغلك حاجه خير
وادينا بنحاول نحل المعادلة الصعبة
انا برى من موضوع البيت بس انا خايف عليك زى والدك بالضبط خلينا ف الاهلى احسن الشخص اللى بيحجبك
الشخص اللي بيحبني
انا متأكد
مش عارف متاكد من اية مش تقوللى مبروك ع الاهلى الشخص اللى بيحبك
متأكد ان حضرتك ليك علاقة بموضوع البيت
اما بالنسبة لموضوع مبروك ، فانا مش بتابع ماتشات ودية خصوصا بين فرق مغمورة
اثبت الشخص اللى بيحبك
🥲
Post a Comment