تحديث
--------------------------------------------------------
امبارح لما نزلت العلم كنت عامل حسابي اكتب الموضوع انهارده ، بس بصراحه نفسي اتسدت ، مكنتش فاكر ان الماتش يطلع من طرف واحد بالطريقه ده
نفسي اعرف ليه الفرق الصغيره اللي زي الاهلي والترسانة والمقاولين بتيجي قصاد الزمالك وتدافع ويموتو نفسهم قدام الجون بتاعهم بالطريقه ده وكل هدفهم يطلعو باقل نتيجه
مع ان ده فرصة الفرق الصغيره اللي زي ده يطلعو في التلفزيون ويلعبو قصاد جمهور كبير
حتى الكورة في مصر مش هتتقدم طول مالفكر ده موجود
فرقه مغلوبة وبتضيع وقت والجمهور طالع فرحان جدا ان الماتش طلع اتنين بس
المفروض يلمو الفرق المغمورة ده ويخلوها تلاعب بعض بعيد عن الزمالك ، مش أي حد معدي يلاعب الاسياد عادي كده
انا زعلان ،اتنين بس ، هارد لاك يا زمالك ، مبروك الاهلي
48 comments:
ماكنتش اتمنى ابدا ان اول زيارة لمدونتك الجميلة دي وافاجىء بشعار الزمالك وانا اهلاوي حتى الموت
انما دة مايمنعش ان مدومنتك اكتر من روعة
ومش هقول بتمنالكم التوفيق
بس هقول الاهلي حديد
تحياتي ليكي وتمنياتي بالخسارة
زمالك مين بلا وكسة
ياابنى قلتلك شيل الشعار المنيل ده
فضحت نفسك
لو ما تبتش وبقيت اهلاوى هنسحب منك لقب الرمز
هاى يا رمز
على فكرة انا عاجبنى فيك اوى انتمائك الفظيع دة للزمالك رغم الظروف الصعبة اللى بيمر بيها والاحباط اللى هو دائما عمله لجمهوره
دة شىء جميل اوى فيك ويابخت الزمالك بالرمز
على فكرة انا برضوا بشجع الزمالك
بوسى
Nael
بص بقة انت اللى بتجيبه لنفسك يعنى كان شوية ناس صغيرين اللى عارفيين و مكناش بنخلص من اللى بيحصللك بعد كل متش
يلا مش مهم انا اصلى من مشحعيين الناس اللى بيدافعوا عن قضيتهم حتى النهاية مهما كانت العواقب :)
Go On Nael me to from Zamalek Fans :)
The mot important person in your life .........
كفاية التعليقات اللى موجودة ومش مهم النتيجة وكل مرة تقول ميعادنا بعد المباراة وتتوكسو الشخص اللى بيحبك
أنا مش عارفة وقت المبارات امتى يا نائل
واشك اني أقدر أشوفها
لكن انت عارف اني بشجع الزمالك عشان انت بتشجعو
انت ما حطتش الصورة المتحركة بتاعة الزمالك ليه؟
عايزين نغيظ محمد عادل والتانيين شوية
ههههه
سلاااام
متتصورش سعادتى و انا شايف الرمز بتاع اشرف و انزه و اقوى فريق على وجه البسيطة
الى الامام دائما
ارجو انك تشرفنى و تقرأ تدوينة انا كتبتها
اسمها
لماذا يكره الشعب المصرى النادى الاهلى
http://charkawy.blogspot.com/2006/12/blog-post_2316.html
و اخرى اسمها
درب الهوى
شكرا
لمحبى و مشجعى الزمالك
بارك الله فينا
http://charkawy.blogspot.com/2007/04/blog-post_25.html
ههههههه اولا اتمنالكم التوفيق مع اني ماليش بكرة القدم و الفرق بس بالتوفيق لكل محبي ناديك المفضل و حبعتلك اماني بنت الجنوب اصلها برضو زملكاوية و حالفة يمين اول ما انزل مصر لتخليني زملكاوية .
دمت بسلام
Congratulation Nael
That is what expected from such a big team
I tottally agree with you El Ahly not qualified enough to face us :')
Any way we gave them chance to appear some how
Al Mabrouk ya amar:)
The most important person in your life.............
ههههههههههههههههههههه لا والله؟
أكبر دليل على ان الأهلي كبير ، أنه بيفرح جمهور مصر كله ، و مبينساش غيره يفرح
مبروك يا زملكاوية
يا بنى الزمالك زمالك برضه بالرغم اللى حصلوا والطبيعى ان لما الاسد بيتعب شويه القرود بتظيط بس اهو رجع الاسد وحيعرف القرود مكانهم مبرووووووووووك يا زمالك يا اسد
إنتوا فرحانين كده ليه
خايفه عليكوا أحسن يحصلكوا حاجه من الفرحه
براحه شويه
إنتوا صعبتوا علينا بقالكوا سنين ما شفتوش الفرحه الأهلي لأنه نادي عظيم وكريم قال يفرحكوا مره من نفسكوا ... عامل إنساني مش أكتر .. هههههههههه
خلوا عندكوا روح رياضيه
سلاماااااااااااات
زملكاوي
الحمد لله
انا كنت خايفة احسن يكونو انقرضو
a.samir
اهلا بيك يا ريس وشكرا على كلامك الجميل
معلش حظك بقى ان انتى جيت في الوقت د ه
وبعدين هو لسه فيه اهلاوية ؟؟
sharm
طيب هو لو مش الزمالك هيبقى مين ؟؟
مصر هيه امي
هو الفوز بقى فضيحه ولا ايه ؟؟
ولا الفضيحه ان احنا كسبنا اتنين بس ؟؟
وبعدين ملكش دعوه بلقب الرمز يابني
انت لسه صغير
بوسي
اكيد كان لازم تكوني زملكاوية ، انا برضه كنت حاسس
وبعدين الانتماء ده احسن حاجه في الدنيا
خصوصا لفرقه بتكسب على طول زي الزمالك كده
most important person in my life.
الله يبارك فيكي
معاكي حق ، الفرق ده مش من مستوانا
احنا بنلاعبها شفقه عليهم
وبعدين هو ايه اللي كان بيحصلي بعد كل ماتش
اللي بيحصل ان انا بفضل اغيظ فيهم بعد كل فوز ، بس
الشخص اللي بيحبني
امتى حصل ده ، انا عمري قلت كده ولا عمرنا اتوكسنا ؟؟
حضرتك اللي رحت فين ؟
مش هشوفك غير بعد الناتش بسنه كالعاده ولا ايه ؟
شهيده
طبعا انتي عارفه ان احنا كسبنا ورساله التهنئه بتاعتك وصلتني
الله يبارك فيكي
وطبعا جمهور الزمالك يتشرف بوجودك معاه
الصورةبتاعت الزمالك جميله واناهحطها
ومتخافيش انا عامل مع محمد والقله اللي معاه الواجب
عباس العبد
وانت مش متخيل قد ايه انا فرحان بكلامك وبوجودك
دايما بحب اتعرف على المخلصين اللي زيك
واكيد ان شاء الله هروح اقرا الكلام اللي انت كاتبه
واللى اللقاء في الانتصارات القادمه
بنت فلسطين
الله يبارك فيكي
وانا بضم صوتي لاماني ولازم لما تنزلي تبقي زملكاوية
وبعدين اصلا مفيش حد تاني ممكن تشجعيه
يا ريت توصلي تهناتي لاماني
احلام عادية
ايوه طبعا ،هو انا قلت حاجه غير الحقيقه ؟
تامر
هو فعلا فرح جمهور مصر كله لما اتغلب امبارح وانت اللي الف مبروك على النتيجه الحلوه ده
riri
مين قال ان احنا فرحانين
بالعكس مفيش حد فرحان قدكم ان ربنا سترها معاكم
الف مبروك يا محظوظين
توتة توتة
ممكن بس تقوليلي عشان اكون عارف
هو انا ممكن اكون ايه غير زملكاوي ؟؟
نهله
هم فرحو عشان احنا سيبنالهم شوية بواقي من عندنا
بس يلا خلاص كفايه عليهم كده
تصدق ان ادارة الاهلى هيا اللى غلطانة علشان لاعبتكوا
بالصف التانى
المفروض انها كانت تلاعبكوا بالكبار علشان تفضلوا ساكتين على طول
فعلا الفرحة مش سايعاكوا اول مرة تعملوها من تلات سنيين
يا حرام
والله الاهلى عمل كده علشان صعبتوا عليه بس
قلنا كفاية طلعتوا من افريقيا والعرب ولا حتى الدورى المصرى
فعلى الاقل نسيبلكوا حاجة تفرحكوا
بس مكناش عارفيين ان الفرحة هتجننكوا كده
بيبى زمالك ببى زمالك
مــــــــبروك مـــــــــبروك شوفت حضرتك النحس اتفك ازاى لما سبت الفريق هيه هيه هيه
الف الف الف مــــــــــــبروك ويارب دائما وعقبال الموسم اللى جاى يكون كلها انتصارات يارب
سيبك منهم هم كدا لما تغلبوا قدام برشلونة كان ليهم الشرف انهم لعبوا معاه هههههههههههههههههههههههههه
يــــــــــارب فرحنا دايما يااااااااااااارب آمـــــــــــــين
مبرووووووووووووووك يا نائل
وعقبال ان كل أيامكم تكون فرح وسعادة
بس ابقوا ادعولنا احنا كمان
سلااام
ازيك يارمز
اد ايه البوست دة جميل تعرف والله اول لما الزمالك كسب الاهلى اول حاجة جت فى بالى انت هتعمل ايه فى الاهلويه على المدونة بس اللى انت عملتوا كان خفيف اوى عليهم
وعلى العموم الف مبرووووووووك للزمالك
بوسى
ههههههههه
صح مش كده برده
علي فكره أنا أهلاويه
انت عارف الأهلي لعب بالفريق التاني مخصوص عشان يفرح جماهير الزمالك وعشان خاطر أوصه, نفسه مره يلعب ماتش قمه ومايدخلش فيه اجوان
يالا ياسيدي ألف مبرووووووك
اماني
الله يبارك فيكي
وان شاء الله انتصارات على طول كالعاده
مع اني مش هنسالك البوست بتاع الزمالك اللي انتي
كنتي كاتباه مرة عندك
فاكراه ؟
زينب
الله يبارك فيكي
وانتو ربنا يحميكو عشان الوضع عندكم صعب قوي
بس ان شاء الله تخلص عل خير
بوسي
الله يبارك فيكي
اللي اناعملته خفيف عشان النتيجه كانت صغيره
ده هم بتعاملو على انهم هم اللي كسبو
مش بقولك فرق مغمورة
نائل
شوفت كلام اسراء
كلامها صح احنا حبينا بس مرة واحدة تفرحوا
بس مكناش مصدقين ان مرة تعمل فيكوا كده وتخليكوا مجانيين
يالا ما علينا نتقايل كمان تلات سنين
بعد اذن حضرتك طبعا هارد على اسراء ومصر هى امى
شعار الاهلى يكفينا شرفآ وفخرآ اننا لعبنا مع برشلونة واحنا عايزين نفرح الزملكاوية مش مشكلة
مش عارفيين تقولوا ايه علشان الهزيمة
على فكرة برضو الزمالك مسكين عايش فى اسرة مفككة هيكون اللاعبين ايه
ممممممم
معذوريين مش بيعرفوا يذاكروا كويس
بس كفاية ولاد عمنا هم اللى جابين حقنا دايما
على فكرة حضرتك متزعلش من البوست بتاعى لانى اكتشفت انى سبب النحس
ههههههههههههههههههه
اسراء / محمد
بصراحه انا مش متابع الفرق المغمورة لدرجه ان انا اعرف التشكيل والفرقة الاولى والتانيه والكلام ده
اللي اعرفه ان احنا بننزل نكسب وبس
على العموم
الله يبارك فيكو
اماني
معاكي حق والله
الجماعه دول بيقولو كلام غريب واحنا اللي فرحناكم وحاجات غريبه كده
بصراحه بيصعبو عليه قوي
على فكره انا برضه عمري ما هنسالك البوست اللي انتي كتبتيه
لازم تكبتي اعتذار رسمي
انا صحيح مبشجعش كوره بس ابويا زملكاوي وطبعا انا على طول زملكاوي زيه بس هو فيه حاجه عايز اسألها مين الأهلي اللي انت بتتكلم عنه ده بيلعبوا كوره يعني ولا شركه من بتوع مساحيق الغسيل
سلاااااااااااااااااااااااام
نائل
انا اول مره ادخل البلوج بتاعك وعجبنى موت موت و اللى خلانى اطير من الفرحه انى شفت شعار الزمالك انت متعرفش انا زملكاويه قد ايه ربنا يكملك بعقلك وتفضل مؤمن على طول و فرصه سعيده اوى اوى
إنت لسه حاطط البوست ده
مش بقولك مش مصدقين نفسكوا من الفرحه
هههههههههههه
بهرج علي فكره
الأهلاويه روحهم رياضيه مش زي ناس
سلاماااااااااااات
الشنكوتي
ايوه طبعا الزمالك هو الفطره
اما الاهلى فتقريبا كده يقصدو مخبز الاهلي اللي جنب البيت عندنا
نسرين
مش متخيله قد ايه بتبسط بزيارات المخلصين اللي زيك
وبعدين اكيد هنفضل زملكاوية على طول
، على فكره انا شفت الموضوع الحميل بتاعك وعجبني موت
ودايما في الانتصارات كالعاده ان شاء الله
reri
انتو ليه مش مصدقين ان احنا مش فرحانين ولا حاجه
واديني يا ستي نزلت موضوع جديد عشان خاطرك
tesada2 sa3banin 3alayaa :D
msh hata5do l kass brdo :D:D:D
efra7olko yomiin maygrash 7agga
Post a Comment